I.
Clericali & Regali.
Turba gaude HAFNIA,
Non est talis, nec æqvalis.
Civitas in DANIA.
Artium officina
Omnium pulcherrima
Merces exerces,
Colligis & possides
Per terrarum spacia.
2. Tace LUNDIS Rusticalis,
Nisi qvid Ecclesia.
Time RIPIS ripam maris,
Ingeniis viges & moribus,
Campestris clama VIBERGIA,
Ure tua stramina,
Contentiosa, famosa
Litium certamine
Et judicum prudentia.
3. Culus Mundi, vis confundi: Villula,
BURGLANENSIS insula:
Monachorum stringe lorum,
Tota tua gloria:
Mane par OTTHONIA
Sed fuisti Domina:
Dedisti, cepisti
Dominos Monachos
Ergo manes famula.
4. Nullus ergo te Laudare
Audet nunc ARHUSIA;
Nam qvi tecum vult regnare,
Deducis per avia:
Uteris astutia:
Plus qvam sapientia:
Prælatum pergratum,
Temere perdere
Audes in malitia.
5. SLESVIGA luto oblita,
Pone supercilia:
Caput & pedes perdita,
Langues ad officia:
Vita in Pisciculis,
Frigida, rigida,
Tota penè exanimis:
Regum bibis sangvinem,
Hoc habes præconium.
6. Ex loquace ore tace,
Garrula ROSCHILDIA:
Qvid de tuo gaudes clero,
In tua superbia:
Qvis de tua copia,
Ut Petrus de Scotia,
Tam mirificè docere
Dogmata plurima:
Possit jam in DANIA.
7. Civitates DEO gratas,
Vos conservet Trinitas
Nam sanctorum plurimorum,
Vobis floret sanctitas
Clemens & Laurentius
Chetillus & Lucius,
Canutus & Lambertus,
Meritis plurimis:
Maria sed in omnibus.
FINIS.