Rimerie
to unsern ohlen goden ehrlichen Mitbroder in Clio,
to unsern ohlen goden ehrlichen Mitbroder in Clio,
Etatsrath Ridder Pram.
Etatsrath Ridder Pram.
Wer dat nig schön, wenn vi in Clio kunne sitten
Um 100 Jar nog so,
Und da als Hüt’ en Glas ud nah dat ander nippen
In dulci jubilo.
Ne! immer geit dat nich nah unsern Wunsch und Willen
Oft narrt uns Dit und Dat;
Madam’ Fortuna deit uns öfters dügtig drillen,
Gift uns en leddig Fat.
Dat leddig Fat drift uns so hin und her op Eerden,
Oft kömt de Dod darto —
De Prester segt: nun sollst du wieder Erde werden!
Wi wünscht en seelig Roo!
Dog mött wi uns in disse Wellt herum nog quälen
So is dat dog dat best,
Wi doth en Munter-Sinn uns als en Arfdeel wählen,
Und reist’ nah Ost und West. —
Bald, gode Pram! bald must Du ok den uns verlaten;
Din Geist verlett uns nig! —
Und nu nehm alle Mann dat fulle Glas to faten,
Glöw, wi vergeth Dig nig!!
Nee! Nee! wem woll’ von uns den goden Pram vergethen,
Wen he is reist vondt Land,
Und wem von uns dat deit, von Em wüllt wi nix weten,
Em gävt wi nig de Hand. —
Wendt.