Di Kaahl di summted ætte mæ
I mi Ungdom.
Et jenh fek Lov aa kom te mæ
Udi Løndom.
Saa søh di baade de’ aa de’
Udi Løndom.
Mi Æhre den vi’ di stell mæ we
I mi Ungdom.
Die Dahr sletingen saa mæ wil lukh
I mi Ungdom.
Natywl A somti tow we aa sukh
Udi Løndom.
Indda wa d’jenh, A ku tot omh
I mi Ungdom.
A wel et næjst’ et, han te mæ komh
Udi Løndom.
No weed A wal, hudden de go’ te
Udi Løndom.
Han ga mæ hw’eth A ku skelles we
I mi Ungdom.
Jah! A had blowwen hans kjere Kuen
I mi Ungdom.
Ulykken kam ætte gammel Wuen
Udi Løndom.
Hans Held wa saaen, te han maat afstej
I hans Ungdom.
Saa maat A træjj da aaljenn mi Vej
Udi Løndom.
Aa Faaeren te de her sølle Baaen
Udi Løndom,
Lu’ wos tebaagh faa Spot aa Haan
I wor Ungdom.
De bette Skit er no we aa draww
Udi Løndom.
Slet ekki foer ed si’ flie Daww
I si’ Ungdom.
Vi følles ad wal, de wel A trow
I wor Ungdom.
Saa sowwe’ wi we hweraahn irow
Udi Løndom.