InChorum SacrumThomæ KingoHactenus altisoni rhythmos & carmina Risti Et numeros pietas qvos velit esse suosMiramur Dani & peregrino assvescimus ori, Et bibimus rivos Rhene superbe tuos:Nunc patrias KINGO genio locuplete camænas Erigit, & fato dat meliore frui;Ille canit, totumq́; trahit ad carmina regnum, Et dulci eloqvio templa domosq; replet,Ut jam dediscens fædos vox publica cantus, Incipiat cælo nil nisi teste loqvi,Ausa suum cunctis Heliconem opponere terris, Ingenio Vatum carminibusq́; parem.Heus ubi sunt tua magne Pater Tiberine fluenta? Seqvana ubi, & toto gurgite plenus Arar?Nil Dantes, nil Laura Tibi tuus ille Petrarcha, Nil simile Oenotriæ tota caterva dedit;Nil Odera, ingentiq́; tonans Opitius ore, Et qvicqvid Vatum Scaldis & Ya dedit:KINGO nives ipsas, gelidamq́; illuminat Arcton, Et procul à Phæbo sideribusq́; canit,Laudibus hoc Vatum præcelsior omnibus unus, Pindum ultra, & cunctos Bellerophontis Eqvos,Qvo cœlum jungit terris, & flectit iisdem Inde homines metris, hinc pietate Deum.V. Bering.