Ποθέω μὲν Διονύσου
Φιλοπαίγμονος χορείης·
Φιλῶ δ᾽ εὖτ᾽ ἂν ἐφίξω
Μετὰ συμπότου λυρίζω·
Στεφανίσκους δ᾽ ὑακίνθων
Κροτάφοισιν ἀμφιπλέκας,
Μετὰ παρθένων ἀθύρειν
Φιλῶ μάλιστα πάντων.
Φθόνον οὐκ οἶδ᾽ ἐμὸν ἦτορ,
Φθόνον οὐ δείδια δηκτήν·
Φιλολοιδόρου γλώττης
Φεύγω βέλεμνα κοῦφα.
Στυγέω μάχας παροίνους,
Πολυκώμους κατὰ δαῖτας,
Νεοθήλους δ᾽ ἅμα κούρας
Ὑπὸ βαρβίτῳ χορεύων,
Φέρε, φίλταται, λέγωμεν,
Βίον ἥσυχον φέρωμεν.