Een waar’ Berigt
van en ohlen Holsteener, de dat eerste Maal sin Näse
van en ohlen Holsteener, de dat eerste Maal sin Näse
in Coppenhagen gesteeken hett.
in Coppenhagen gesteeken hett.
Mit grooter Angst und Herzens-Slaa’n
Kem ick Hüt’ in de Stadt gegaa’en,
Ick seeg’ den Borger in’t Gewehr
Recht patrulleeren hin und her,
Ick seeg’ de Landsenerers riden,
Ick denkt’: wat hett dat to bedüden?
De Politie ahn’n rooden Nak,
Ahn’n den drekanten Hoot — dog Stak;
De löpen up und dahl de Straten,
Har’n oft en Keerl und Jung’ to faten,
Ick seeg’ vehl Finstern wer’n entwey,
Kort All war mig in Hurlumhey!
Ick froog — mank Minschen — een Matros:
„Wat Fränd, is hier de Düwel lös?“
„Nee!“ segt he; „Herr! De Lüd sind dull!
Hans Hagel, de is dwatsch und full;
Mann will em nu to Ader laten,
Drum sind hier Borger und Soldaten
Mit erem Sabel, Bajonett,
Bett sick datt Feber hett gesett.“ —
Iß’t son’n dum Tüg’ — is dat man soo!
Ward’ hier gewiß bald weeder Roo.
Harr’en mann de Lüd wat recht’s to dohn,
Und für er Arbeid goden Lohn,
Wöll’n se nah ohlen Wiis mann leven:
Dan ward dat kehn Spectakel geven!
Wendt.