. . . . . . . . . . . . . . . . . . . . . . . .
τεθνάκην δ᾽ ἀδόλως θέλω.
ἄ με ψισδομένα κατελίμπανεν
πόλλα, καὶ τόδ᾽ ἔειπέ [μοι·
«ὤιμ᾽ ὠς δεῖνα πεπ[όνθ]αμεν,
Ψάπφ᾽· ἦ μάν σ᾽ ἀέκοισ᾽ ἀπυλιμπάνω.»
τὰν δ᾽ ἔγω τάδ᾽ ἀμειβόμαν·
«χαίροισ᾽ ἔρχεο κἄμεθεν
μέμναισ᾽, οἶσθα γάρ, ὤς <σ>ε πεδήπομεν.
αἰ δὲ μή, ἀλλά σ᾽ ἔγω θέλω
ὄμναισαι [. . .]δ[. . .]θεαι,
ὀσ[^ – ^ ^] καὶ κάλ᾽ ἐπάσχομεν·
πό[λλοις γὰρ στεφάν]οις ἴων
καὶ βρ[όδων πλο]κίων τ᾽ ὔμοι
καὶ [^ –] παρ᾽ ἔμοι περεθήκαο
καὶ πόλλαις ὐπαθύμιδας
πλέκταις ἀμφ᾽ ἀπάλαι δέραι
ἀνθέων ἐ[ράτων] πεποημέναις.
καὶ πόλλω[ι λιπάρως] μύρωι
βρενθείωι [τε κάλον χρόα
ἐξαλ<ε>ίψαο κα[ὶ βασ]ιληίωι,
καὶ στρώμν[αν ἐ]πὶ μολθάκαν
ἀπάλαν παρ[^]α[.]ονων
ἐξίης πόθο[ν – ^ ^]ανίδων,
κωὔτε τις [^ ^ οὔ]τε τι
ἶρων οὐδ᾽ ὐ[^ – ^ ^
ἔπλετ᾽, ὄππ[οθεν ἄμ]μες ἀπέσκομεν·
οὐκ ἄλσος [^ ^ εἴ]αρος
ὤραι – ^ ^ –] ψόφος
– ^ – ^ ^ – μελα]οίδιαι
