. . . . . . . . . . . . . . . . . . . .
^ ^ – ἀπὺ] Σαρδ[ίων
– ^ πόλ]λακι τυῖδε [ν]ῶν ἔχοισα.
ὠς πε[δε]ζώομεν· β[εβάω]ς ἔχεν
σὲ θέα<ι>σ᾽ ἰκέλαν Ἀρι-
γνώτα, σᾶι δὲ μάλιστ᾽ ἔχαιρε μόλπαι.
νῦν δὲ Λύδαισιν ἐνπρέπεται γυναί-
κεσσιν, ὠς ὄτ᾽ ἀελίω
δύντος ἀ βροδοδάκτυλος <σελάννα>
πάντα περρέχοισ᾽ ἄστρα, φάος δ᾽ ἐπί-
σχει θάλασσαν ἐπ᾽ ἀλμύραν
ἴσως καὶ πολυανθέμοις ἀρούραις.
ἀ δ᾽ ἐέρσα κάλα κέχυται, τεθά-
λαισι δὲ βρόδα κἄπαλ᾽ ἄν-
θρυσκα καὶ μελίλωτος ἀνθεμώδης.
πόλλα δὲ ζαφοίταισ᾽ ἀγάνας ἐπι-
μνάσθεισ᾽ Ἄτθιδος ἰμέρωι
λέπταν ποι φρένα, κῆρ <δ᾽> ἄσα βόρηται.
κῆθι δ᾽ ἔλθην ἄμμε [. .]. . ισα τὸ δ᾽ οὐ
νῶντ᾽ ἄ[π]υστον ὐμ[. .] πόλυς
γαρύε[ι . .]αλον π[. . . ὂ]ν τὸ μέσσον.
[ε]ὔμ[α]ρ[ες μ]ὲν ου[.] σ᾽ αἰμιθέαισι μόρ-
φαν ἐπή[ρατο]ν ἐξίσω-
σθ᾽ αἰ συ[. .]ρος ἐχησθα[. . .]νιδηον
. . . . . . . . . . . . . . . . . . ]το[. . .]ρα τι-
μαλ[. . . . . . . . . . . . δι᾽ α]ἴθερος
καὶ δ[.]μ[. . . . . . . . . . . ]ος Ἀφροδίτα
καμ[. . . . . . . . . . ]νέκταρ ἔχευ᾽ ἀπὺ
χρυσίας [. . . . . . . . . . . . . . ]ναν
[. . . .]απουρ[. . . . . . . . . ]χέρσι Πείθω
. . . . . . . . . . . . . . . . . . ]θ[. .]ησεν η
. . . . . . . . . . . . . . . . . . . . πόλλ[ακις
. . . . . . . . . . . . . . . . . . . . . . . . ]εδαην μαι-
. . . . . . . . . . . . . . . . . . . . . ]ες τὸ Γεραΐστιον
. . . . . . . . . . . . . . . . . . ]ν φίλαι
. . . . . . . . . . . . . . . ἄπ]υστον οὔδενο[ς]
. . . . . . . . . . . . . . . . . . . ]ερον ἴξο[μ ^ ]
. . . . . . . . . . . . . . . . . . .
. . . . . . . . . . . . . . . . . . .
